ກົມຊັບສິນທາງປັນຍາ,ມາດຕະຖານ ແລະ ວັດແທກປະຈຳສຳນັກງານນາຍົກລັດຖະມົນຕີ ແຫ່ງ ສປປ ລາວ ໄດ້ຮ່ວມກັບປະຊາຊົນນະຄອນຫລວງວຽງຈັນ, ກົມຕຳຫລວດເສດຖະກິດ, ກົມພາສີ, ກົມການຄ້າພາຍໃນ, ກົມນະໂຍບາຍການຕ່າງປະເທດ, ກົມອາຫານ ແລະ ຢາ, ສະພາອຸດສາຫະກຳການຄ້າ ແລະ ບໍລິສັດ ຢູນີນີເວີ ເຊິ່ງເປັນບໍລິ ສັດຮ້ອງຟ້ອງຍ້ອນສີນຄ້າ ຂອງຕົນຖືກກ່າຍແບບ ໄດ້ຈັດປະກາດທຳລາຍສີນຄ້າທີ່ປອມແປງຈຳນວນ 10 ລາຍການໃນ ທ້າຍອາທິດທີ່ຜ່ານມາໃນສະໂມສອນສຳນັກງານນາຍົກລັດຖະມົນຕີ.

    ແຫ່ລງຂ່າວແຈ້ງວ່າ: ກ່ອນໜ້ານີ້ເຈົ້າໜ້າທີ່ຕຳຫລວດເສດຖະກິດ ແລະ ພາກສ່ວນທີ່ກ່ຽວ ຂ້ອງ ໄດ້ບຸກເຂົ້າໄປຍຶດກິດຈະການແຫລ່ງຜະລິດສີນຄ້າປອມແປງທີ່ຕັ້ງເປັນໂຮງງານຢູ່ບ້ານວັງ ຊາຍ, ເມື່ອງໄຊເສດຖາ ນະຄອນຫລວງວຽງຈັນ ແລະ ໄດ້ຍືດໂຮງງານພ້ອມດ້ວຍເຄື່ອງຈັກ ແລະ ພາຫານະການຜະລິດອື້ນໆ ຈຳນວນໜື່ງ. ພ້ອມດ້ວຍໄດ້ຍຶດດຳເນີນ ຄະດີເຈົ້າຂອງໂຮງ ງານທີ່ເປັນຄົນຕ່າງດ້າວຕາມລະບຽບກົດໝາຍຂອງບ້ານເມື່ອງ.

      ສີນຄ້າທີ່ກ່າຍແບບເຫລົ່ານີ້ ສ່ວນຫລາຍເປັນຜະລິດຕະພັນປະເພດເຄື່ອງສຳອ່າງ, ຜະ ລິດຕະພັນປຸງແຕ່ງອາຫານ ແລະ ສານເຄມີທີ່ມີອັນຕະລາຍຕໍ່ສຸຂະພາບ ສີນຄ້າທັງໝົດຖືກ ກວດເຫັນວ່າ: ເປັນສີນຄ້າທີ່ລະເມີດກົດລະບຽບທາງການຄ້າ. ຫລົບຫລີກພາສີ-ອາກອນ, ສາ ທາລະນະສຸກ, ຊັບສີນ ທາງປັນຍາ ແລະ ລະບຽບການຂອງສານ. ການ ທຳລາຍສີນຄ້າເຖື່ອນ ຄັ້ງນີ້ຖືວ່າເປັນຄັ້ງຍິ່ງໃຫ່ຍທີ່ສຸດເພາະວ່າມີສີນຄ້າຫລາຍຊະນິດ ແລະ ມີຫລາຍລາຍການເຊິ່ງມີ ມູນຄ່າລວມຫລາຍຮ້ອຍລ້ານກິບ.

      ທ່ານ ບູນທ່ຽງ ຫົວໜ້າຝ່າຍການຕະຫລາດຂອງບໍລິສັດ ຍູນີລິເວີ.ໄດ້ກ່າວວ່າ: ກ່ອນ ໜ້ານີ້ສີນຄ້າປອມມີການ ແຜ່ລະບາດຢ່າງຫລວງຫລາຍຕາມທ້ອງຕະຫລາດໃນເຂດຕົວເມືອງ ແລະ ເຂດຊານເມືອງ ເຊິ່ງເຮັດໃຫ້ຜູ້ຊົມໃຊ້ຈຳນວນບໍ່ໜ້ອຍ ໄດ້ຮັບຜົນກະທົບອັນໄດ້ເປັນການ ສົ່ງຜົນບໍ່ດີຕໍ່ທາງດ້ານຄວາມເຊື່ອໝັ້ນຕໍ່ຜູ້ຜະລິດ-ຈຳໜ່າຍສີນຄ້າຕົວຈິງ.

     ເຖີ່ງຢ່າງໃດກໍ່ຕາມ ທ່ານ ບູນທ່ຽງ ໄດ້ໃຫ້ຄວາມເຫັນອິກວ່າ: ການທຳລາຍຂະບວນ ການຜະລິດສິນຄ້າປອມ ແປງຂະໜາດໃຫ່ຍໃນຄັ້ງນີ້ ອາດຈະເຮັດໃຫ້ສີນຄ້າປອມ ຫລື ສີນ ຄ້າກ່າຍແບບລຸດໜ້ອຍຖອຍລົງຕາມທ້ອງຕະຫລາດ, ແຕ່ບໍ່ອາດຢືນຢັນໄດ້ວ່າຈະບໍ່ມີສີນຄ້າ ປອມແປງຢູ່ຕາມທ້ອງຕະຫລາດເນື່ອງຈາກວ່າ ປັດຈຸບັນ ເຕັກໂລຊີ ມີຄວາມກ້າວໜ້າຈິ່ງເຮັດ ໃຫ້ການກ່າຍແບບມີຄວາມສະດວກສະບາຍຫລາຍຂື້ນ ແລະ ສີນຄ້າກ່າຍແບບກໍ່ມີລັກສະນະ ຄ້າຍຄືຂອງຈີ່ງຫລາຍທີ່ສຸດ.

     ໂດຍ: ພູຄຳ.