ຕອນເຊົ້າວັນພຸດ ວັນທີ 2 ພະຈິກ 2022 ທ່ານ ນາງ ອາລີ ວົງໜໍ່ບຸນ ກໍາມະການສູນການພັກ ປະທານຄະນະບໍລິຫານງານສູນກາງກໍາມະບານລາວ ພ້ອມດ້ວຍຄະນະ ໄດ້ລົງຊຸກຍູ້ວຽກງານກໍາມະບານ ຢູ່ກະຊວງອຸດສາຫະກໍາ ແລະ ການຄ້າ ໃນໂອກາດນີ້ໄດ້ເຂົ້າພົບປະ ທ່ານ ມະໄລທອງ ກົມມະສິດ ກໍາມະການສໍາຮອງສູນກາງພັກ, ລັດຖະມົນຕີກະຊວງອຸດສາຫະກໍາ ແລະ ການຄ້າ. ພ້ອມດ້ວຍຄະນະບໍລິຫານງານທັງສອງເຂົ້າຮ່ວມ.

ໂອກາດນີ້ ປະທານໄດ້ໃຫ້ທິດຊີ້ນໍາ ແລະ ເນັ້ນບາງຈຸດວ່າ: ໃຫ້ສະຫະພັນກໍາມະບານ ກະຊວງອຸດສາຫະກໍາ ແລະ ການຄ້າ ຈັດຕັ້ງປະຕິບັດຕາມແຜນການນຳນຳພາການເຄື່ອນໄຫວວຽກງານສະຫະ ພັນກຳມະບານກະຊວງອຸດສາຫະກຳ ແລະ ການຄ້າ ໃນຕໍ່ໜ້າ ໂດຍສະເພາະໃຫ້ເອົາໃຈໃສ່ຊີ້ນໍານໍາພາວຽກງານການເມືອງ-ແນວຄິດ, ວຽກງານກໍ່ສ້າງ-ບຳລຸງພະນັກງານສະມາຊິກກຳມະບານ, ວຽກງານຂໍ້ແຂ່ງຂັນ 5 ເປັນເຈົ້າ, ວຽກງານປົກປ້ອງສິດ ແລະ ຜົນປະໂຫຍດອັນຊອບທໍາ ຂອງຊາວຜູ້ອອກແຮງງານ , ວຽກງານຍົກລະດັບຄວາມຮູ້ຄວາມສາມາດ ແລະ ຝຶກອົບຮົມຕ່າງໆ, ການຮ່ວມມື ແລະ ຊ່ວຍເຫຼືອຕ່າງໆ.

        ຈາກນັ້ນ ທ່ານປະທານ ຄະນະບໍລິຫານງານສູນກາງກໍາມະບານລາວ  ພ້ອມດ້ວຍຄະນະໄດ້ລົງເຮັດວຽກຮ່ວມກັບຄະນະສະຫະພັນກໍາມະບານ ກະຊວງອຸດສາຫະກໍາ ແລະ ການຄ້າ ໂດຍມີທ່ານ ປອ ບົວວັນ ວິລະວົງ ກໍາມະການຄະນະບໍລິຫານງານສູນກາງສະຫະພັນກໍາມະບານລາວ, ປະທານສະຫະພັນກໍາມະບານກະຊວງອຸດສາຫະກໍາ ແລະ ການຄ້າ  ພ້ອມດ້ວຍຄະນະບໍລິຫານງານເຂົ້າຮ່ວມ.

          ໂອກາດນີ້ ທ່ານ ນາງ ອາລີ ວົງໜໍ່ບຸນ ກໍາມະການສູນການພັກ ປະທານຄະນະບໍລິຫານງານສູນກາງກໍາມະບານລາວ ພ້ອມດ້ວຍຄະນະ ຍັງໂອ້ລົມ ແລະ ຢ້ຽມຢາມສະຫະພັນກໍາມະບານ ຂອງລັດວິສາຫະກິດນໍ້າມັນເຊື້ອໄຟລາວ ຕື່ມອີກ

ພາບ-ຂ່າວ: ໄພວັນ ໂຄດວັນທາ

ເຜີຍແຜ່: ນ. ເພັດປະກາຍ ສີສົມບູນ