ຕອນເຊົ້າ ເວລາ 9: 00 ໂມງ ຂອງວັນ 08 ທັນຫວາ 2017 ທີ່ຫ້ອງປະຊຸມຊັ້ນ I ກະຊວງອຸດສາຫະກໍາ ແລະ ການຄ້າ ໄດ້ມີພິທີຮັບຟັງປາຖະກະຖາ ວັນຊາດ ທີ 2 ທັນວາ ຄົບຮອບ 42 ປີ ແລະ ວັນຄ້າຍ ວັນເກີດ ປະທານ ໄກສອນ ພົມວິຫານ ຄົບຮອບ 97 ປີພ້ອມທັງເຜີຍແຜ່ໃຫ້ ພະນັກງານ-ລັດຖະກອນ ອ້ອມຂ້າງກະຊວງອຸດສາຫະກໍາ ແລະ ການຄ້າ ເຂົ້າໃຈ ແລະ ເຊື່ອມຊຶມ ວັນມະຫາປະຕິວັດ ເດືອນ ຕຸລາ ລັດເຊຍ ຄົບຮອບ 100 ປີ ( 07/11/1917 – 07/11/2017) ກ່ຽວກັບການກໍາເນີດເກີດຂຶ້ນຂອງລັດທິສັງຄົມນິຍົມເປັນລັດທິຂອງຊົນຊັ້ນກໍາມະກອນໃນປະຫັວດສາດຂອງມວນມະນຸດ ແລະ ເຮັດໃຫ້ລັດທິສັງຄົມນິຍົມຈາກທິດສະດີກາຍມາເປັນຈິງໃນຊີວິດການເມືອງ.
ການປາຖະກະຖາ ກ່ຽວກັບການກໍາເນີດ ແລະ ການເຄື່ອນໄຫວປະຕິຂອງ ປະທານ ໄກສອນ ພົມວິຫານ ເກີດໃນວັນທີ 13/12/1920 – 13/12/2017 ຄົບຮອບ 97 ປີ ແລະ ເປັນການຫວນຄືນຜົນງານຄວາມດີ ທີ່ມີຄວາມ ໂດດເດັ່ນຂອງ ປະທານ ໄກສອນ ພົມວິຫານ ແຕ່ຕົ້ນຕະຫຼອດປາຍ.
ພາຍຫຼັງທີ່ ສປປ ລາວ ໄດ້ຮັບການປົດປ່ອຍຊາດ ນັບແຕ່ ວັນທີ 2 ທັນວາ ປີ 1975 ເປັນຕົ້ນ
ມາມັນເປັນຂີດໝາຍແຫ່ງໄຊຊະນະອັນຍິ່ງໃຫຍ່ໃນປະຫວັດສາດ ນັບແຕ່ນັ້ນມາ ການສ້າງສາພັດທະນາປະເທດຊາດໄດ້ມີການຂະຫຍາຍຕົວອັນເປັນກ້າວໆ, ບ້ານເມືອງເປັນລະບຽບຮຽບຮ້ອຍ, ສັງຄົມມີຄວາມສະຫງົບ, ມີຄວາມສາມັກຄີປອງດອງ, ມີການພັດທະນາເສດຖະກິດຢ່າງຕໍ່ເນື່ອງ.
ການປາຖະກະຖາ ດຳເນີນໂດຍພາຍໃຕ້ການເປັນປະທານ ຂອງທ່ານ ບຸນມີ ມະນີວົງ ຮອງເລຂາພັກກະຊວງ ຮອງລັດຖະມົນຕີກະຊວງ ອຄ ແລະ ປະທານຮ່ວມທ່ານ ພັນທອງ ພິດທຸມມາ ຄະນະພັກກະຊວງ ຮອງລັດຖະມົນຕີກະຊວງ ອຄ.
ທ່ານ ສິລິສໍາພັນ ວໍຣະຈິດ ຄະນະປະຈຳພັກກະຊວງ ຫົວໜ້າກົມແຜນການ ແລະ ການຮ່ວມມື ກະຊວງ ອຄ. ເຂົ້າຮັບຟັງມີບັນດາຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ແລະ ພະນັກງານຫຼັກແຫຼງອ້ອມຂ້າງກະຊວງ ອຄ ເຂົ້າຮ່ວມປະມານ 150 ທ່ານ.
ຂ່າວໂດຍ: ໄພຄໍາອີ
