ຕອນບ່າຍ 3: 00 ໂມງ ວັນທີ 16 ພະຈິກ 2017 ທີ່ກະຊວງອຸດສາຫະກໍາ ແລະ ການຄ້າ ທ່ານລັດຖະມົນຕີກະ ຊວງ ອຸດສາຫະກຳ ແລະ ການຄ້າ ພ້ອມດ້ວຍຄະນະຝ່າຍລາວ ໄດ້ໃຫ້ການຕ້ອນຮັບຄະນະທູດ ຂອງປະເທດອິນໂດເນເຊຍປະຈໍາລາວ
ຈຸດປະສົງຂອງການພົບປະໃນຄັ້ງນີ້ ເພື່ອທົບທວນຄືນຄຳເຫັນຂອງທ່ານ ນາຍົກລັດຖະມົນຕີແຫ່ງສປປ ລາວ ທີ່ມີຄວາມພໍໃຈໃນການປຶກສາຫາລື ແລະ ຜັນນຂະຫຍາຍວຽກງານການຮ່ວມມືທັງສອງຝ່າຍ, ທີ່ສໍາຄັນກໍ່ຄືຝ່າຍອິນໂດເນເຊຍແມ່ນມີຄວາມສົນໃຈເຄື່ອງຜະລິດຕະພັນໄມ້ ແລະ ເກືອໂປຼຕັດ ຂອງລາວ, ໂດຍສະເພາະສົນໃຈຢາກມາຕັ້ງໂຮງງານຜະລິດປຸ໋ຍຢູ່ ແຂວງຄໍາມ່ວນ ແລະ ສົນໃຈຜະລິດຕະພັນໄມ້ ເຟີນີເຈີ້ ເຄື່ອງແກະສະລັກ (ຕັ້ງໂຮງງານປຸງແຕ່ງໄມ້ ເພື່ອສົ່ງອອກ)
ນອກນີ້ ທ່ານ ເຂັມມະນີ ພົນເສນາ ຍັງເນັ້ນໜັກວ່າ: ໄມ້ທຸກຊະນິດຕ້ອງໄດ້ຜ່ານການປຸງແຕ່ງໃຫ້ສໍາເລັດຮູບ ຕາມ ຄໍາສັ່ງ ເລກທີ 15/ນຍ ພ້ອມທັງໄດ້ແນະນໍາລາຍການໄມ້ທີ່ສົ່ງອອກ ແລະ ມີຄວາມຍິນນດີທີ່ຝ່າຍອິນໂດເນເຊຍຈະມາລົງທຶນຢູ່ ສປປ ລາວ.
ຂ່າວໂດຍ: ພູຄໍາ
