ທີຫ້ອງຮັບແຂກ ກະຊວງອຸດສາຫະກໍາ ແລະ ການຄ້າ ເວລາ 10:00ໂມງ ຂອງວັນທີ 05 ມັງກອນ 2017 . ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າໄດ້ຕ້ອນຮັບຄະນະທີ່ປຶກສາທູດເສດ ຖະກິດການຄ້າ ທີ່ມາອໍາລາຄືນສູ່ປະເທດຕົນ ເຊິ່ງທ່ານໄດ້ດໍາລົງຕໍາແໜ່ງປະຕິບັດຫນ້າທີ່ໃນ ສປປ ລາວມາເປັນເວລາ 3 ປີ 6 ເດືອນ ແລະ ຈະຫມົດວາລະໃນທ້າຍເດືອນ 1 ປີ 2017 ນີ້; ທີ່ສໍາຄັນແມ່ນເພື່ອເຂົ້າແຈ້ງຜົນການພົບປະຂອງສອງນາຍົກລັດຖະມົນຕີລະຫວ່າງ ສປປ ລາວ ແລະ ສປ ຈິນ ໃນວັນທີ 28 ພະຈິກ 2016, ໃນການພົບປະຄັ້ງນັ້ນທັງສອງຝ່າຍໄດ້ຕົກລົງເຫັນດີໃນ (ຕາມການສະເໜີຂອງທ່ານ ນາຍົກລັດຖະມົນຕີ ຂອງ ສປປ ລາວ) ການສົ່ງເຂົ້າສານໄປຈີນເພີ່ມຂຶ້ນຈາກ 8,000 ໂຕນ ເປັນ 20,000 ໂຕນຕໍ່ປີ ເລີ່ມປະຕິບັດປີ 2017 ເປັນຕົ້ນໄປ.
ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ໄດ້ກ່າວວ່າ ມີຄວາມຍິນດີ ແລະ ນາກພູມໃຈຢາງສູງທີ່ໄດ້ຮ່ວມວຽກນໍາຄະນະດັ່ງກ່າວຕະຫລອດໄລຍະທີ່ຄະນະທີ່ປຶກສາທູດເສດຖະດິດ-ການຄ້າ ສປ ຈີນປະຈໍາລາວ ໄດ້ດໍາລົງຕໍາແໜ່ງ ໃນ ສປປ ລາວ.
[ພາບ ແລະ ຂ່າວ: ກະຊວງອຸດສາຫະກຳ ແລະ ການຄ້າ]
