ໃນຕອນເຊົ້າຂອງມື້ນີ້ ທ່ານ ສີຣິສຳພັນ ວໍຣະຈິດ ຫົວໜ້າກົມແຜນການ ແລະ ການຮ່ວມມື, ທ່ານ ບົວຈັນ ບຸນວົງໄຊ ຮອງຫົວໜ້າກົມແຜນການ ແລະ ການຮ່ວມມື ຜູ້ທີ 1 ແລະ ທ່ານ ພູວຽງ ພົງສາ ຮອງຫົວໜ້າກົມແຜນການ ແລະ ການຮ່ວມມື ຜູ້ທີ 2, ພ້ອມດ້ວຍພະນັກງານ ຕ່າງໜ້າຈາກກົມແຜນການ ແລະ ການຮ່ວມມື ເຂົ້າມອບກະຕ່າຂອງຂວັນອ່ວຍພອນປີໃໝ່ ພ.ສ 2558 ໃຫ້ຄະນະນຳກະຊວງອຸດສາຫະກຳ ແລະ ການຄ້າ.
ໃນໂອກາດດຽວກັນ ທ່ານ ນາງ ເຂັມມະນີ ພົນເສນາ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ, ທ່ານ ສຽວສະຫວາດ ສະແຫວງສຶກສາ ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຜູ້ທີ 1, ທ່ານ ບຸນມີ ມະນີວົງ ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຜູ້ທີ 2, ທ່ານ ສົມຈິດ ອິນທະມິດ ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຜູ້ທີ 3, ກໍ່ໄດ້ອວຍພອນໄຊ ໃຫ້ຫົວໜ້າກົມແຜນການ ແລະ ການຮ່ວມມື ພ້ອມດ້ວຍພະນັກງານທຸກຄົນພາຍໃນກົມ ຈົ່ງມີແຕ່ຄວາມສຸກ, ຄວາມຈະເລີນ ແລະ ປະສົບຜົນສຳລັດໃນໜ້າທີ່ການງານຕະຫຼອດປີໃໝ່ນີ້.
[ຂ່າວ: ສູນສະຖິຕິ ແລະ ຂ່າວສານ]
