ໃນຕອນເຊົ້າເວລາ 10:30 ນາທີ ຂອງວັນທີ 27 ກັນຍາ 2015ຢູ່ຫ້ອງປະຊຸມຫ້ອງການອຸດສາຫະກຳ ແລະ ການຄ້າ ເມືອງງາ ໄດ້ຈັດພິທີມອບ – ຮັບ ຫ້ອງການອຸດສາຫະກຳ ແລະ ການຄ້າເມືອງງາ ໂດຍພາຍໃຕ້ເປັນປະທານຮ່ວມຂອງທ່ານ ບຸນທັນ ວັນນະໄຈ ຄະນະປະຈຳພັກແຂວງ ຫົວໜ້າພະແນກອຸດສາຫະກຳ ແລະ ການຄ້າແຂວງແລະ ທ່ານ ວຽງໄຊ ຄຳພະຈັນ ຮອງເລຂາພັກເມືອງ, ປະທານກວດກາພັກ-ລັດ ເມືອງງາ ເຊິ່ງມີຜູ້ເຂົ້າຮ່ວມທັງໝົດ 15 ທ່ານ ຍິງ 1 ທ່ານ.
ຫ້ອງການອຸດສາຫະກຳ ແລະ ການຄ້າ ເມືອງງາ ມີຂະໜາດ 13,50 x 8,80 m, ມູນຄ່າການກໍ່ສ້າງທັງໝົດ 385,640,000 ກີບ ເຊິງໄດ້ລົງມືກໍ່ສ້າງແຕ່ວັນທີ 15/10/2013 ສຳເລັດວັນທີ 15/02/2014 ຜູ້ຮັບເໝົາກໍ່ສ້າງແມ່ນບໍລິສັດ ພົມມະວົງໄຊກໍ່ສ້າງຂົວທາງ ແລະ ເຄຫາສະຖານ, ໃນວາລະກອງປະຊຸມບໍລິສັດ ພົມມະວົງໄຊກໍ່ສ້າງຂົວທາງ ແລະ ເຄຫາສະຖານໄດ້ຜ່ານບົດສະຫຼຸບການຈັດຕັ້ງປະຕິບັດໂຄງການດັ່ງກ່າວ ພ້ອມທັງກ່າວມອບຫ້ອງການອຸດສາຫະກຳ ແລະ ການຄ້າເມືອງງາໃຫ້ເຈົ້າຂອງໂຄງການ, ກ່າວຮັບໂດຍແມ່ນທ່ານວຽງໄຊ ຄຳພະຈັນຮອງເລາພັກເມືອງ, ຈາກນັ້ນພະແນກອຸດສາຫະກຳ ແລະ ການຄ້າແຂວງໄດ້ມອບຄອມພິວເຕີຈຳນວນ 1 ຊຸດມູນຄ່າ 6.500.000 ກີບ ໃຫ້ຫ້ອງການອຸດສາຫະກຳ ແລະ ການຄ້າ ເມືອງງາ ເພື່ອປະກອບເຂົ້າໃນການຈັດຕັ້ງປະຕິບັດໜ້າທີ່ວຽກງງານມອບໂດຍທ່ານບຸນທັນວັນນະໄຈຄະນະປະຈຳພັກແຂວງ ຫົວໜ້າພະແນກອຸດສາຫະກຳ ແລະ ການຄ້າແຂວງ ຮັບໂດຍ ທ່ານນາງ ແກ່ນແກ້ວສຸດາລິນຫົວໜ້າຫ້ອງການອຸດສາຫະກຳ ແລະ ການຄ້າ ເມືອງງາ.
ໃນຕອນທ້າຍທ່ານ ບຸນທັນວັນນະໄຈຄະນະປະຈຳພັກແຂວງ ຫົວໜ້າພະແນກອຸດສາຫະກຳ ແລະກາຄ້າແຂວງ ໄດ້ມີຄຳເຫັນໂອ້ລົມຕໍ່ການມອບ-ຮັບ ຫ້ອງການອຸດສາຫະກຳ ແລະ ການຄ້າ ເມືອງງາດັ່ງກ່າວ ເພີນໄດ້ເນັ້ນເລື່ອງການນຳໃຊ້ ແລະ ການປົກປັກຮັກສາໃຫ້ໃຊ້ໄດ້ຍາວນານຈາກນັ້ນເພີນກໍ່ໄດ້ໃຫ້ທິດເຍືອງທາງ ໃນການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າຂອງວຽກງານອຸດສາຫະກຳ ແລະ ການຄ້າເພື່ອກຽມພ້ອມຈະກ້າວເຂົ້າສູ່ປະຊາຄົມອາຊຽນໃນມໍ່ໆນີ້.
ມາຮອດເວລາ12:00 ໂມງຂອງວັນທີ 27/1/2015 ພິທີມອບ-ຮັບດັ່ງກ່າວໄດ້ປິດລົງຢ່າງປັນທາງການ.
ແສງທອງ ໄຊຍະແສງ
