ຕົ້ນທືນການຜະລິດເຂົ້າຂອງລາວຍັງສູງ ປະຊາຊົນຂາດແຮງຈູງໃຈຜະລິດເປັນສິນຄ້າ
ປັດຈຸບັນ ຊາວກະສິກອນພວມສຸມໃສ່ການເກັບກ່ຽວເຂົ້ານາປີ ເຊິ່ງລັດຖະບານຄາດວ່າປີນີ້ຈະມີເຂົ້າເຫຼືອກິນປະມານຫຼາຍແສນໂຕນ.ຢ່າງໃດກໍ່ຕາມການຈະຜະລິດເຂົ້າໃຫ້ກາຍເປັນສິນຄ້າສົ່ງອອກນັ້ນກໍ່ມີຫຼາຍສິ່ງທ້າທາຍ ເນືອງຈາກແຮງຈູງໃຈໃຫ້ຊາວນາຜະລິດເຂົ້າເປັນສິນຄ້າຍັງຕໍ່າ ຕົ້ນທືນການຜະລິດເຂົ້າຍັງສູງ.
ທ່ານ ອຸໄທ ໄຕມະນີ ຜູ້ອຳນວຍການບໍລິສັດ ເຂົ້າລາວ ຈຳກັດ ໄດ້ກ່າວວ່າ: ແຮງຈູງໃຈເພື່ອເຮັດໃຫ້ຊາວນາຫັນມາຢາກຜະລິດເຂົ້າເປັນສິນຄ້າຍັງບໍ່ສູງ ເຖິງມີຂະບວນການຜະລິດແນ່ແລ້ວ ແຕ່ກໍ່ຍັງບໍ່ມີຈຳນວນຫຼາຍ ເນືອງຈາກນັກທຸລະກິດທີ່ລົງທືນກ່ຽວກັບເຂົ້າມີໜ່ອຍ,ຂາດແຫຼ່ງທືນ, ອຸປະກອນຮັບໃຊ້ໃນຂະບວນການຜະລິດບໍ່ຄົບຊຸດ ເຮັດໃຫ້ປະສິດທິພາບເຄືອງຈັກຫຼຸດລົງ.
ທ່ານກ່າວຕື່ມອີກວ່າ: ຖ້າຢາກໃຫ້ວຽກງານການປູກເຂົ້າຂອງລາວໄປໄດ້ດີ ແລະ ມີປະສິດທິພາບ ຈຳເປັນຕ້ອງມີສະມາຄົມຄຸ້ມຄອງຄືກັບຂະແໜງການອຶ້ນໆ,ມີການຈັດຕັ້ງທີແໜ້ນໜາເພື່ອເກັບກຳສະພາບ.