ໃນຕອນແລງເວລາ 14:00ໂມງ ຂອງວັນທີ່ 10ຕຸລາ 2013 ທີ່ຜ່ານມາຢູ່ຫ້ອງປະຊຸມພະແນກອຸດສາຫະກຳ ແລະ ການຄ້າ ໄດ້ເປີດກອງປະຊຸມດຳເນີນຊີວິດການເມືອງຂອງສະມາຊິກພັກພາຍໃນພະແນກອຸດສາຫະກຳ ແລະ ການຄ້າ ຂື້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ສຸກບຸນທະຈິດ ເລຂາໜ່ວຍພັກ ຮອງຫົວໜ້າພະແນກອຸດສາຫະກຳ ແລະ ການຄ້າ ມີບັນດາສະມາຊິກພັກສົມບູນ ແລະ ສຳຮອງເຂົ້າຮ່ວມທັງໝົດຈຳນວນ 25 ສະຫາຍ ຍິງ 4 ສະຫາຍ ຈາກນັ້ນ ທ່ານ ບຸນທຳ ວັນນະພອນ ຮອງເລຂາໜ່ວຍພັກພະແນກອຸດສາຫະກຳ ແລະ ການຄ້າ ກໍ່ໄດ້ຜ່ານໃບສຳຫຼວດການນຳພາລວມຂອງໜ່ວຍພັກພະແນກອຸດສາຫະກຳ ແລະ ການຄ້າ ໃນໄລຍະ 1 ສະໄໝ ແລະ ບັນດາສະມາຊິກພັກແຕ່ລະສະຫາຍ ກໍ່ໄດ້ຜ່ານໃບສຳຫຼວດຂອງຕົນເອງແລ້ວຫຼັງຈາກນັ້ນກໍ່ໃຫ້ສະມາຊິກພັກແຕ່ລະສະຫາຍກໍ່ໄດ້ປະກອບຄຳຄິດຄຳເຫັນຕຳນິສົ່ງຂ່າວ ຢູ່ໃນລັກສະນະກໍ່ສ້າງຊ່ວຍເຫຼືອເຊີ່ງກັນ ແລະ ກັນ, ສະມາຊິກພັກທີ່ໄດ້ຜ່ານໃບສຳຫຼວດໃນຄັ້ງນີ້ມີຈຳນວນ 21 ສະຫາຍ, ຍີງ 3 ສະຫາຍ. ສ່ວນສະມາຊິກພັກທີ່ບໍ່ໄດ້ຜ່ານໃບສຳຫຼວດນັ້ນແມ່ນສະມາຊິກພັກສຳຮອງ ແລະ ສະມາຊິກພັກທີ່ຫາກໍ່ຍົກຍ້າຍມາແຕ່ບ່ອນໃໝ່. ຜ່ານການຄັດເລືອກຜົນງານເຫັນວ່າ: ປະເພດແຂງມີຈໍານວນ 10 ສະຫາຍ, ຍີງ 1 ສະຫາຍ,ປະເພດກາງມີຈຳນວນ 13 ສະຫາຍ, ຍີງ 2 ສະຫາຍ. ຕໍ່ຈາກນັ້ນກໍ່ໄດ້ທາບທາມຍັ່ງຫາງສຽງເອົາບຸກຄາລາກອນເຂົ້າສະມັກຄະນະພັກຊຸດໃໝ່ມີຈຳນວນ 5 ທ່ານຄື:
- ທ່ານ ສຸກ ບຸນທະຈິດ
- ທ່ານ ບຸນທຳ ວັນນະພອນ
- ທ່ານ ຂັນແກ້ວ ກຸລາວົງ
- ທ່ານ ສຸລິນ ມິດຕະພາບ
- ທ່ານ ນ. ໄມພອນ ສີລິວົງ
ໃນຕອນທ້າຍແມ່ນໄດ້ຮັບກຽດຈາກທ່ານ ບຸນທັນ ວັນນະໄຈ ກຳມະການປະຈຳພັກແຂວງ ຫົວໜ້າພະ
ແນກອຸດສາຫະກຳ ແລະ ການຄ້າ ໄດ້ຂື້ນໃຫ້ຄຳໂອ້ລົມ ໃຫ້ແກ່ບັນດາສະມາຊິກພັກພາຍໃນພະແນກຮັບຮູ້ເຖິງຄວາມໝາຍ, ຄວາມສຳຄັນ, ພາລະບົດບາດຂອງຄວາມເປັນເຈົ້າການຂອງບັນດາສະມາຊິກພັກແຕ່ລະສະຫາຍທີ່ຈະຕ້ອງຈັດຕັ້ງປະຕິບັດວຽກງານໃຫ້ເກີດດອກອອກຜົນເທື່ອລະກ້າວ, ນອກນັ້ນ ທ່ານ ຍັງໄດ້ເນັ້ນໜັກໃສ່ຕື່ມຕໍ່ຄວາມສາມັກຄີ,ຄວາມເປັນເອກະພາບ ແລະ ຄວາມຮັບຜິດຊອບຕໍ່ໜ້າທີ່ການເມືອງ ຂອງສະມາຊິກພັກທຸກສະຫາຍ ໃຫ້ເພີ້ມທະວີຄວາມຮັບຜິດຊອບສູງຂື້ນກ່ວາເກົ່າ.
ກອງປະຊຸມໄດ້ດໍາເນີນໄປເປັນເວລາ 1 ວັນເຄີ່ງກໍ່ໄດ້ອັດລົງດ້ວຍຜົນສຳເລັດອັນຈົບງາມ.
ຂຽນໂດຍ: ຄຳຝັ້ນ ພາວິວົງກອນ
