ທີ່ຫ້ອງຮັບແຂກ ກະຊວງອຸດສາຫະກໍາ ແລະ ການຄ້າ ວັນທີ 18 ຕຸລາ 2013 ທ່ານ ແຊຢັງໂອ ປະທານໃຫຍ່ກຸ່ມບໍລິສັດໂຄລາວ ພ້ອມດ້ວຍຄະນະໄດ້ເຂົ້າມອບເງິນຊ່ວຍເຫຼືອຜູ້ປະສົບໄພນໍ້າຖ້ວມໃຫ້ກະຊວງ ອຸດສາຫະກໍາ ແລະ ການຄ້າ ຊຶ່ງກ່າວຮັບໂດຍ ທ່ານ ດຣ ນາມ ວິຍະເກດ ລັດຖະມົນຕີ ວ່າການ ກະຊວງ ອຸດສາຫະກໍາ ແລະ ການຄ້າ ພ້ອມດ້ວຍ ລັດຖະມົນຕີຊ່ວຍວ່າການ ແລະ ບັນດາຫົວໜ້າກົມ ຮອງກົມ ອອ້ມຂ້າງກະຊວງ ເຂົ້າຮ່ວມຮັບຮູ້ນໍາ. ການມອບຮັບເງິນຊ່ວຍເຫຼືອຄັ້ງນີ້ເປັນຈໍານວນເງິນ 100.000.000 ກີບ ຈະໄດ້ນໍາໄປຊ່ວຍເຫຼືອບັນເທົາທຸກໃຫ້ແກ່ພີ່ນ້ອງຜູ້ປະສົບໄພນໍ້າຖ້ວມຢູ່ 4 ແຂວງພາກໃຕ້ ຂອງ ສປປ ລາວ (ແຂວງ ເຊກອງ, ສາລະວັນ, ຈໍາປາສັກ ແລະ ອັດຕະປື) ທີ່ໄດ້ຮັບຜົນກະທົບຈາກໄພນໍ້າຖ້ວມຢ່າງໜັກ ໃນເວລາດຽວກັນນັ້ນ ທ່ານ ລັດຖະມົນຕີວ່າການ ກະຊວງ ອຸດສາຫະກໍາ ແລະ ການຄ້າ ກໍ່ໄດ້ກ່າວຄວາມຂອບໃຈພ້ອມທັງມອບໃບກຽດຕິຄຸນໃຫ້ທາງກຸ່ມບໍລິສັດໂຄລາວທີ່ຍາມໃດກໍ່ມີຄວາມເປັນຫວງເປັນໄຍຕໍ່ຊີວິດການເປັນຢູ່ຂອງປະຊາຊົນລາວພ້ອມທັງໃຫ້ການຊ່ວຍເຫຼືອສັງຄົມລາວມາໂດຍດີຕະຫຼອດ
ຂ່າວ: ໂດມ
