ໃນຕອນເຊົ້າເວລາ 8:00 ນາທີ ຂອງວັນທີ 31/07/2013 ຢູ່ຫ້ອງປະຊຸມພະແນກອຸດສາຫະກຳ ແລະ ການຄ້າແຂວງອຸດົມໄຊ, ຄະນະຮັບຜິດຊອບວຽກງານສາມສ້າງກະຊວງອຸດສາຫະກຳ ແລະ ການຄ້າ ແລະ ພະແນກອຸດສາຫະກຳ ແລະ ການຄ້າແຂວງອຸດົມໄຊ ໄດ້ຈັດກອງປະຊຸມສະຫຼຸບຖອດຖອນບົດຮຽນການຈັດຕັ້ງປະຕິບັດວຽກງານສາມສ້າງຂອງຂະແໜງອຸດສາຫະກຳ ແລະ ການຄ້າໃນໄລຍະທີຜ່ານມາມີຜູ້ເຂົ້າຮ່ວມທັງໝົດ 15 ທ່ານ ຍິງ 3 ທ່ານ.
ໃນກອງປະຊຸມທ່ານບຸນທັນ ວັນນະໄຈກຳມະການປະຈຳພັກແຂວງຫົວໜ້າພະແນກອຸດສາຫະກຳ ແລະການຄ້າແຂວງອຸດົມໄຊ ໄດ້ລາຍງານສະພາບການຈັດຕັ້ງປະຕິບັດວຽກງານສາມສ້າງໃນທີ່ຜ່ານມາ ເພື່ອເປັນທິດທາງໃນການປຶກສາຫາລືແລກປ່ຽນບົດຮຽນໃນການຈັດຕັ້ງປະຕິບັດໃນຕໍ່ໜ້າ, ຈາກນັ້ນ ທ່ານ ສຸກ ບຸນທະຈິດ ເລຂາໜ່ວຍພັກຮອງຫົວໜ້າພະແນກອຸດສາຫະກຳ ແລະ ການຄ້າໄດ້ຜ່ານບົດສະຫຼຸບຕີລາຄາປະເມີນຜົນການຈັດຕັ້ງປະຕິບັດທົດລອງວຽກງານ 3ສ້າງຂອງຂະແໜງອຸດສາຫະກຳແລະການຄ້າໃນໄລຍະທີ່ 9 ເດືອນທີ່ຜ່ານມາ,ເຊິ່ງໄດ້ຍົກໃຫ້ເຫັນ ຜົນໄດ້ຮັບເບື້ອງຕົ້ນໃນການເຮັດທົດລອງວຽກງານ 3 ສ້າງຢູ່ 3ເມືອງເມືອງເປົ້າໝາຍ ໂດຍສະເພາະແມ່ນການມອບວຽກງານ ການອອກທະບຽນວິສາຫະກິດໃຫ້ເມືອງ ຈັດຕັ້ງປະຕິບັດ ພ້ອມທັງຍົກໃຫ້ເຫັນດ້ານດີ,ດ້ານອອ່ນ ແລະ ທິດທາງແຜນການໃນຕໍ່ໜ້າ ເພື່ອສືບຕໍ ຈັດຕັ້ງປະຕິບັດວຽກງານ 3ສ້າງຂອງຂະແໜງອຸດສາຫະກຳ ແລະ ການຄ້າໃຫ້ໄດ້ຮັບຜົນດີ ແລະ ແທດເຖິງກວ່າເກົ່າ.
ແສງທອງໄຊຍະແສງ
