ຕອນເຊົ້າຂອງວັນ ຈັນ ວັນທີ 5 ເດືອນ ສິງຫາ 2013 ນີ້ ທີ່ກະຊວງ ອຸດສາຫະກໍາ ແລະ ການຄ້າ, ທ່ານ ດຣ ນາມ ວິຍະເກດ ລັດຖະມົນຕີ ກະຊວງ ອຸດສາຫະກໍາ ແລະ ການຄ້າ ໄດ້ຕ້ອນຮັບການເຂົ້າຢ້ຽມອໍາລາ ຂອງ ທ່ານ ນາງ ແຄເຣັນ ສະຕີວອດທ໌ ທູດອາເມລິກາ ປະຈໍາ ສປປ ລາວ, ໃນການພົບປະຄັ້ງນີ້ ທັງສອງຝ່າຍໄດ້ປຶກສາຫາລືກັນກ່ຽວກັບວຽກງານການຮ່ວມມືລະຫວ່າງສອງປະເທດໃນດ້ານການຄ້າສາກົນ ແລະ ການເພີ້ມການຮ່ວມມືດ້ານການຄ້າຫຼາຍຝ່າຍຂອງປະເທດ ແລະ ບັນດາອົງການຄ້າໃນຂົງເຂດ
ໃນວາລະດັງກ່າວ ທ່ານ ດຣ ນາມ ວິຍະເກດ ລັດຖະມົນຕີ ກະຊວງ ອຸດສາຫະກໍາ ແລະ ການຄ້າ ແລະ ທ່ານ ນາງ ແຄເຣັນ ສະຕີວອດທ໌ ທູດອາເມລິກາ ປະຈໍາ ສປປ ລາວ ໄດ້ຕົກລົງເຫັນດີໃນການສືບຕໍ່ຮ່ວມມືຂອງສອງລັດຖະບານທີ່ໄດ້ກໍ່ຕັ້ງຜ່ານທາງໂຄງການຮ່ວມມື LUNA-Lao ໃນໄລຍະສີ່ປີຜ່ານມາ. ການຮ່ວມມືນີ້ຈະເປັນການກະຕຸກຊຸກຍູ້ໃຫ້ມີຫຼາຍມູນນິທິ ເພື່ອສົ່ງເສີມຕະຫຼາດເສດຖະກິດທີ່ທັນສະໄໝແນໃສ່ການຂະຫຍາຍຕົວຂອງທຸລະກິດ ແລະ ການຄ້າ ທີ່ເປັນມິດກັບສະພາບແວດລ້ອມ ທັງເປັນການປັບປຸງວຽກງານຄຸມຄອງເສດຖະກິດພາຍໃນ 5 ປີຂ້າງໜ້າ.
Dom
