ຄະນະບໍລິຫານງານສະຫະພັນແມ່ຍິງກະຊວງອຸດສາຫະກຳ ແລະ ການຄ້າ ໄດ້ຈັດກອງປະຊຸມເຜີຍແຜ່ເອກະສານການກະກຽມກອງປະຊຸມໃຫຍ່ ສະຫະພັນແມ່ຍິງກະຊວງອຸດສາຫະກຳ ແລະ ການຄ້າ ໃນຕອນເຊົ້າ ຂອງວັນທີ 14 ກຸມພາ 2024 ທີ່ ກະຊວງ ອຄເຊິ່ງໃຫ້ກຽດການເປັນປະທານຂອງທ່ານ ນາງ ສົມໝາຍ ພົມມຸນີວົງ ປະທານຄະນະບໍລິຫານງານສະຫະພັນແມ່ຍິງກະຊວງ ອຄ ແລະ ປະທານຮ່ວມທ່ານ ນາງ ມະນີວອນ ວົງໄຊ ຮອງປະທານ, ປະທານກວດກາຄະນະບໍລິຫານງານສະຫະພັນແມ່ຍິງກະຊວງ ອຄ ພ້ອມນີ້ໄດ້ມີຄະນະບໍລິຫານງານສະຫະພັນແມ່ຍິງກະຊວງ ອຄ ແລະ ບັນດາຄະນະໜ່ວຍສະຫະພັນແມ່ຍິງຈາກບັນດາກົມ, ຫ້ອງການກະຊວງ ອຄ, ສຳນັກງານ ຈນກ ແລະ ສະຖາບັນ ອຄ, ສະພາການຄ້າ ແລະ ອຸດສາຫະກຳແຫ່ງຊາດ, ລັດວິສາຫະກິດ ແລະ ບໍລິສັດອ້ອມຂ້າງກະຊວງ ອຄ ກໍ່ເຂົ້າຮ່ວມຢ່າງພ້ອມພຽງ.
ກອງປະຊຸມໃນຄັ້ງນີ້ ທ່ານ ນາງ ສົມໝາຍ ພົມມຸນີວົງ ໄດ້ກ່າວຈຸດປະສົງ ແລະ ໄດ້ເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວຄັ້ງທີ 3 ສະໄໝທີ VIII ແລະ ເຊື່ອມຊຶມເອກະສານ ດຳເນີນກອງປະຊຸມໃຫຍ່ຂອງສະຫະພັນແມ່ຍິງກະຊວງ, ອົງການ
ຫຼັງຈາກນັ້ນ ທ່ານ ນາງ ມະນີວອນ ວົງໄຊ ຮອງປະທານ, ປະທານກວດກາຄະນະບໍລິຫານງານສະຫະພັນແມ່ຍິງກະຊວງອຄກໍ່ໄດ້ຂຶ້ນລາຍງານການຕີລາຄາວຽກງານກວດກາ ຂອງສະຫະພັນແມ່ຍິງກະຊວງ ອຄ ໃນໄລຍະ 01 ປີ ຜ່ານມາ.
ເພື່ອແນະນຳກ່ຽວກັບເອກະສານກອງປະຊຸມຂອງບັນດາໜ່ວຍສະຫະພັນແມ່ຍິງ ທ່ານ ນາງ ພອນທິບ ພັດທະດາວົງ ຮອງປະທານກວດກາຄະນະບໍລິຫານງານສະຫະພັນແມ່ຍິງກະຊວງ ອຄ ກໍ່ໄດ້ລາຍງານຂັ້ນຕອນການກະກຽມກອງປະຊຸມ ແລະ ມາດຖານ, ເງື່ອນໄຂຂອງຜູ້ລົງສະໝັກເລືອກຕັ້ງຄະນະໜ່ວຍ ສະຫະພັນແມ່ຍິງ ອ້ອມຂ້າງກະຊວງ ອຄ
ພ້ອມດຽວກັນນີ້, ປະທານກອງປະຊຸມກໍ່ໄດ້ປຶກສາຫາລືແລກປ່ຽນຄຳຄິດເຫັນກ່ຽວກັບວຽກງານຮອບດ້ານຂອງສະຫະພັນແມ່ຍິງກະຊວງ ແລະ ການກະກຽມສະເຫຼີມສະຫຼອງວັນທີ 08 ມີນາ 2024 ຂອງສະຫະພັນແມ່ຍິງກະຊວງ ອຄ ກັບ ບັນດາໜ່ວຍສະຫະພັນແມ່ຍິງທີ່ໄດ້ເຂົ້າຮ່ວມກອງປະຊຸມ ແລະ ໃນຕອນທ້າຍກອງປະຊຸມປະທານກອງປະຊຸມໄດ້ມີຄຳເຫັນຊີ້ນຳໃຫ້ບັນດາໜ່ວຍເປັນເຈົ້າການ ໃນການກະກຽມກອງປະຊຸມຂັ້ນຂອງຕົນຕາມຄຳແນະນຳຂອງສູນກາງສະຫະພັນແມ່ຍິງລາວ ໂດຍສະເພາະການກະກຽມດ້ານເນື້ອໃນ, ການກະກຽມບຸກຄະລາກອນ ແລະ ກະກຽມຄວາມພ້ອມຕ່າງໆ. ນອກນີ້ກໍໃຫ້ມີການສ້າງຂະບວນການໃຫ້ຫຼາກລາຍຮູບແບບເພື່ອສະເຫຼີມສະຫຼອງວັນແມ່ຍິງສາກົນ 8 ມີນາ 2024. ກອງປະຊຸມກອງປະຊຸມຄັ້ງນີ້ໄດ້ປິດລົງຢ່າງເປັນທາງການ ໃນເວລາ 12:00
ຂ່າວ-ພາບ: ເພັດປະກາຍ ສີສົມບູນ
