ໃນຕອນເຊົ້າເວລາ 9: 30 ໂມງ ຂອງວັນທີ 30 ມັງກອນ 2024, ທີ່ຫ້ອງຮັບແຂກໃຫຍ່ ຊັ້ນ 04 ກະຊວງອຸດສາຫະກໍາ ແລະ ການຄ້າ, ທ່ານ ມະໂນທອງ ວົງໄຊ ຮອງຖະມົນຕີ ກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ນາງ Amida Salsiah ALISJABANA, ເລຂາບໍລິຫານງານຄະນະກຳມະທິການເສດຖະກິດ-ສັງຄົມ ສປຊ ປະຈຳພາກຟື້ນອາຊີ-ປາຊີຟີກ (UNESCAP), ພ້ອມຄະນະມາເຮັດ ວຽກ ແລະ ຢ້ຽມຢາມ ສປປ ລາວຢ່າງເປັນທາງການໃນໂອກາດເຂົ້າພົບປະປຶກສາຫາລື ທ່ານ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ສປປ ລາວ ມີຜູ້ຕາງໜ້າເຂົ້າຮ່ວມ ຫົວໜ້າກົມ ຮອງຫົວໜ້າກົມ ຫົວໜ້າພະແນກອ້ອມຂ້າງກະຊວງ ເຂົ້າຮ່ວມທັງສອງຝ່າຍ ປະມານ 12 ກວ່າທ່ານ.
ໂອກາດນີ້ ທ່ານ ມະໂນທອງ ວົງໄຊ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ກໍ່ສະແດງຄວາມຍ້ອງຍໍ ຊົມເຊີຍຕໍ່ ທ່ານ ນາງ Amida Salsiah ALISJABANA, ເລຂາບໍລິຫານງານຄະນະກຳມະທິການເສດຖະກິດ-ສັງຄົມ ສປຊ ປະຈຳພາກຟື້ນອາຊີ-ປາຊີຟີກ (UNESCAP), ໃນໂອກາດເຂົ້າຢ້ຽມຂໍ່ານັບຄັ້ງນີ້ ເຊິ່ງທ່ານ ໄດ້ສົນທະນາກ່ຽວກັບວຽກງານການຮ່ວມມື ການພົວພັນດ້ານການຄ້າ, ທາງດ້ານການເງິນ ລະຫວ່າງ ສປປ ລາວ UNESCAP ໃຫ້ຫຼາຍຂື້ນເພື່ອຮັດແໜ້ນການພົວພັນຮ່ວມມື ກັບ UNESCAP ແລະ ທີຈະພ້ອມສະໜັບສະໜູນໃຫ້ແກ່ທາງດ້ານການເງິນໃຫ້ກ່ການເປັນເຈົ້າພາບຈັດກອງປະຊຸມເປັນປະທານອາຊຽນ ຂອງ ສປປ ລາວ ໃນປີ 2024 ທີ່ຈະມາຮອດນີ້.
ໃນໂອກາດນີ້ ທ່ານ ຮອງລັດຖະມົນຕີ ສະເໜີໃຫ້ຜູ້ຕ່າງໜ້າ ເລຂາບໍລິຫານງານຄະນະກຳມະທິການເສດຖະກິດ-ສັງຄົມ ສປຊ ປະຈຳພາກຟື້ນອາຊີ-ປາຊີຟີກ ສືບຕໍ່ຮ່ວມມື ແລະ ສົ່ງເສີມການຄ້າ ສປປ ລາວໃຫ້ຂະຫຍາຍໂຕສູງຂື້ນເລື່ອຍໆ
ພາບ-ຂ່າວ: ໄພຄໍາອີ ສູນສະຖິຕິ ຫ້ອງການກະຊວງ ອຄ.
