ໃນຕອນ​ເຊົ້າເວລາ 11:00 ໂມງ ຂອງວັນທີ 1 ທັນວາ 2023, ທີ່ຫ້ອງຮັບແຂກໃຫຍ່ ຊັ້ນ 04 ກະຊວງອຸດສາຫະກໍາ ແລະ ການຄ້າ, ທ່ານ ມະໂນທອງ  ວົງໄຊ  ຮອງຖະມົນຕີ ກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ນາງ ຊາມີນາ ເມຕາບ, ເອກອັກຄະລັດຖະທູດ ປາກິດສະຖານ ປະຈໍາ ສປປ ລາວ ໃນ​ໂອ​ກາດ​ເຂົ້າພົບປະປຶກສາຫາລື ກັບ ທ່ານ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ສປປ ລາວ ມີຜູ້ຕາງໜ້າເຂົ້າຮ່ວມ ຫົວໜ້າກົມ ຮອງຫົວໜ້າກົມ ຫົວໜ້າພະແນກອ້ອມຂ້າງກະຊວງ ເຂົ້າຮ່ວມທັງສອງຝ່າຍ ປະມານ 15 ທ່ານ.

          ໂອກາດນີ້  ທ່ານ  ມະໂນທອງ ວົງໄຊ  ຮອງລັດຖະມົນຕີ  ກະຊວງອຸດສາຫະກໍາ ແລະ ການຄ້າ ກໍ່ສະແດງຄວາມຍ້ອງຍໍຊົມເຊີຍຕໍ່  ທ່ານ ນາງ  ຊາມີນາ ເມຕາບ, ເອກອັກຄະທູດ ປາກິດສະຖານ ປະຈໍາ ສປປ ລາວ  ໃນໂອກາດເຂົ້າຢ້ຽມຂໍ່ານັບຄັ້ງນີ້ ເຊິ່ງ ທ່ານທູດ ໄດ້ສົນທະນາກ່ຽວກັບວຽກງານການຮ່ວມມື ການພົວພັນດ້ານການຄ້າ, ການລົງທຶນ ລະຫວ່າງ ສປປ ລາວ-ປາກີດສະຖານ ໃຫ້ຫຼາຍຂື້ນທີ່ມີການເສີ່ມສ້າງສາຍພົວພັນທີ່ດີໃນໄລຍະຜ່ານມາ ດ້ານເສດຖະກິດດ້ານການຄ້າ, ການລົງທຶນ ລະຫວ່າງ ສປປ ລາວ-ປາກິດສະຖານ, ແຕ່ປີ2015-2023 ມູນຄ່າການຄ້າສອງຝ່າຍປະຕິບັດໄດ້ 3-4 ລ້ານໂດລາສະຫະລັດ.

         ໃນໂອກາດນີ້ ທ່ານຮອງລັດຖະມົນຕີ ແລະ ທ່ານ ທູດ ທັງສອງຝ່າຍສືບຕໍ່ຮ່ວມມື ແລະ ສົ່ງເສີມການຄ້າທັງສອງຝ່າຍໃຫ້ຂະຫຍາຍສູງຂື້ນເລື່ອຍໆພ້ອມທັງຊັກຊວນໃຫ້ນັກທຸລະກິດປາກິດສະຖານ ແລະ ສປປ ລາວ ມາລົງທຶນແລກປ່ຽນການຊຸກຍູ້ພາກທຸລະກິດຂອງສອງປະເທດໃຫ້ມີຄວາມຮ່ວມມືເຂັ້ມແຂງໃຫ້ຫຼາຍຂື້ນ.

ຂ່າວ-ພາບ ໂດຍ: ໄພຄໍາອີ  ສູນສະຖິຕິ ແລະ ຂ່າວສານ /ຫອຄ.